Евроиттифоқ Косова ва Сербия ўртасидаги вазиятдан ташвишда
Жозеп Боррель томонларни босиқликкка чақирди.
Европа Иттифоқининг ташқи ишлар бўйича олий вакили Жозеп Боррель кескинлик кучайиши хавфи мавжуд бўлган Косоводаги вазиятнинг ривожланишидан хавотир билдирган ва томонларни зўравонлик ҳамда провокациялардан қочишга чақирган.
“Сўнгги воқеалар Косово ва Сербия ўртасидаги муносабатларнинг ёмонлашувига олиб келди. Бунинг оқибатлари Косово, Сербия ва бутун минтақа аҳолиси учун ҳалокатли бўлиши мумкин”, — деди дипломат.
Икки давлат ўртасида август ойидан буён қарама-қаршиликлар кузатилмоқда, улар, айниқса, сўнгги кунларда янада кучайган. Косово серблари томонидан йўлларда ўрнатилган баррикадаларга тўхталиб ўтган Боррель “Европа оиласига қўшилишни истаган ҳамкорлар томонидан бунинг қабул қилиниши мумкин эмас. Бу вазиятни тўхтатиш керак, тўсиқларни олиб ташлаш керак. Ва тинчликни тиклаш зарур”, — деб қайд этди.
Унинг сўзларига кўра, ҳар икки томон ҳам деэскалацияни бошлашга тайёрлигини маълум қилган.
