Таиланд кўрфазида кема чўкиб кетди
У кучли бўрон зарбига учраган.
Таиланд қироллик денгиз флотининг «Sukhothai» кемаси Таиланд кўрфазида бўрон пайтида чўкиб кетди. Унинг бортида 106 нафар ҳарбий хизматчи бўлган. Ҳозиргача 75 киши қутқарилган, 31 денгизчи ҳамон бедарак йўқолганлар рўйхатида.
Бўрон пайтида кема эгилиб, ичига катта миқдорда сув тўпланган. Шундан сўнг асосий блокларнинг электр таъминотида қисқа туташув юзага келган ва двигателлар ўчирилган. Электр таъминотидаги узилишдан сўнг экипаж кемани қутқаришга ҳаракат қилган, бироқ кема ёнбошига йиқилиб чўкиб кетган.
Фалокат ҳудудига ҳарбий-денгиз кучларининг учта кемаси ва вертолётлар ёрдамга жўнатилган.
