0
Энг билимли ўқувчилар тақдирланди
338-мактабда “Мактаб Олимпиaдаси”нинг тақдирлаш тадбири ўтказилди.
Бугун Мирзо Улуғбек тумани 338-мактабда 2022-2023-ўқув йилининг ярим йиллик сарҳисоби бўйича “Мактаб Олимпиадаси”нинг тақдирлаш тадбири бўлиб ўтди.
Тадбирда Мирзо Улуғбек тумани ҳокими ўринбосари Б.А.Назаров ва Мирзо Улуғбек тумани ХТБ мудири Ш.А.Икромов ҳам иштирок этди.
Мазкур олимпиадада 7-8-9-10-11 синф ўқувчилари шу вақтгача устозларидан олган билимларини яна бир бор синовдан ўтказишди. Ушбу олимпиадада “Энг аълочи”, “Энг билимдон” деб топилган ўқувчилар муносиб тарзда тақдирланишди. Улар махсус кубок ва дипломга эга бўлишди.
Ғолиб бўлган ўқувчиларнинг ота-оналарига ҳам мактаб маъмурияти номидан ташаккурномалар топширилди.
