Тугаб бораётган йилда қанча журналист ўлдирилди?
Мексика ва Украина журналистлар учун энг хавфли давлатлар бўлиб қолмоқда.
"Чегара билмас мухбирлар" халқаро ташкилоти ҳисоб-китобига кўра, 2022 йилда камида 59 нафар ОАВ ходими ўлдирилган. Мексика энг хавфли давлат бўлиб қолмоқда, Украина ундан кейинги ўринда.
Ҳалок бўлганларнинг 80 фоизи атайин ўлдирилган.
Ташкилот маълумотига кўра, Мексикада камида 11 журналист ўлдириб кетилган. Улар уюшган жиноятчилик каби ўткир мавзуларни ёритаётган бўлган. "Чегара билмас мухбирлар" ташкилоти яна 6 та ҳолатда журналистнинг ўлими унинг фаолияти билан боғлиқ бўлганини исботлай олмаган.
2022 йилда Украина ҳам ОАВ ходимлари учун энг хавфли мамлакатга айланди. У ердаги ҳарбий ҳаракатларни ёритиш давомида ҳар доимгидан кўп маҳаллий ва хорижлик журналистлар ҳалок бўлган.
Шуниндек, кетаётган йилда камида 65 нафар ОАВ ходими ўғирлаб кетилган.
Ташкилот айни пайтд ҳибсда сақланаётган журналистлар сонини ҳам эълон қилди: 533 нафар. Уларнинг ярмидан кўпи Хитой, Мьянма, Эрон Вьетнам ва Беларусь қамоқхоналарида сақланмоқда.
