АҚШда қор бўронлари: айримлар ўз машинасида жонсиз ҳолда топилмоқда
Қўшма Штатлар рекорд даражада совуқ ва бўронлардан азият чекмоқда.
АҚШда қор бўронлари рекорд даражадаги совуқ оқибатида ҳалок бўлганлар сони 78 тага етди. Бу ҳақда NBC хабар берди.
Хусусан, Колорадо, Канзас, Кентукки, Небраска, Миссури, Оклахома, Мичиган, жанубий Каролина, Теннесси, Висконсин, Иллинойис ва Вермонтда ўлим ҳолатлари қайд этилган.
Нью-Йорк маҳаллий ҳокимияти кунлар илиши билан тўпланган қор оқибатида тошқинлар бошланишидан хавфсирамоқда.
Бўрон пайтида айрим жойларда ҳарорат 45 даражагача тушган. Айрим одамлар ўз автомобилларида жонсиз ҳолатда топилган, бошқаларнинг юраги эса қор тозалаётган пайтда тўхтаб қолган.
Жозеф Байден Нью-Йорк штатида фавқулодда ҳолат эълон қилди. Штатга федерал даражада ёрдам кўрсатишга топшириқ берилган.
