Мексикадаги қамоқхонада қонли можаро юз берди
Тўполон пайтида маҳбуслар қочиб кетган.
Мексиканинг Сюдад-Хуарес шаҳридаги қамоқхонага ҳужум уюштирилди. Бу ҳақда «Корреспондент» нашри ёзмоқда.
Ҳодиса оқибатида 14 киши ҳалок бўлган ва камида 13 киши жароҳатланган. Вафот этганларнинг 10 нафари хавфсизлик хизмати ходими, тўрт нафари маҳбус бўлган.
Босқин зирҳли транспорт воситаларида амалга оширилган ва орадан 5 соат ўтиб қамоқхонадаги вазият назорат остига олинди. Тўқнашувлар вақтида 24 маҳбус жазони ўташ муассасасидан қочиб кетган.
Маълум бўлишича, воқеадан сал аввал қамоқхонага яқин полиция бўлимига ҳам ҳужум қилинган.
Маълумот учун: Сюдад Хуарес дунёдаги энг хавфли шаҳарлардан бири ҳисобланади. У Мексика ва АҚШ чегараси яқинида жойлашган.
