Япония Зеленскийни G7 саммитига таклиф қилмоқчи
Саммит май ойида Хиросимада бўлиб ўтади.
Бу йил G7га раислик қилаётган Япония Украина президенти Владимир Зеленскийни 19–21 май кунлари Хиросимада бўлиб ўтадиган саммитга таклиф қилмоқчи.
Япония Бош вазири Фумио Украинадаги мавжуд вазият ҳақида Зеленскийнинг ўзидан бевосита эшитиш имкониятидан фойдаланмоқчи. Шунингдек, Россия билан уруш натижасида юзага келган озиқ-овқат ва энергетика хавфсизлиги масалаларини муҳокама қилиш режалаштирилган.
G7нинг Украина бўйича ҳаракатларини мувофиқлаштириш Токио учун муҳим ҳисобланади. Бу Тайван бўйича юзага келиши мумкин бўлган можарога тайёргарлик кўришдаги муҳим қадамдир.
Япония расмийларининг фикрича, можаро юзага келган тақдирда Москвага нисбатан амалга оширилгани каби АҚШ ва Европа билан биргаликда Пекинга қарши ҳам тезкор ва қаттиқ жавоб беришилиши керак.
