0
Байден бир қарорга кела олмаяпти
Унинг президентликка ўз номзодини қўйиши номаълум.
АҚШ президенти Жо Байден ўз лавозимига қайта сайланиш борасида ҳали бир қарорга келмаган. Бу ҳақда «Интерфакс» нашри хабар бермоқда.
Аввалроқ Байден бу ҳақда Сент-Кроа оролида ўтказадиган таътил вақтида оиласи, бир нечта дўстлари ва иттифоқчилари билан маслаҳатлашган ҳолда қарор қилиши мумкинлиги айтилганди.
Байденнинг яқинлари унинг пезидентликка яна ўз номзодини қўйиш эҳтимоли катта эканига ишонишади ва бу февраль ойи ўрталарида эълон қилиниши мумкин.
Бошқалар 80 ёшли президентнинг сайлов кампанияси оқибатларидан хавотирда эканини билдиришган. Президентнинг рафиқаси Жилл Байден ҳам унинг номзодлик қарорини қўллаб-қувватлайди.
