Зеленский ЕИ раҳбари билан телефонлашди
Бу уларнинг 2023 йилдаги илк суҳбати.
Еврокомиссия раҳбари Урсула фон дер Ляйен 2023 йилда Украина президенти Владимир Зеленский билан илк телефон мулоқотини ўтказди.
Европа расмийсининг таъкидлашича, Иттифоқ зарур бўлган вақтгача Украинани қўллаб-қувватлашда давом этади.
“Биз сизнинг қаҳрамонларча курашингизни қўллаб-қувватлаймиз”, — деган у.
Бундан ташқари, фон дер Ляйен ЕИ жорий қиш мавсумида Украинани генераторлар, лампочкалар ва мактаб автобуслари етказиб бериш билан қўллаб-қувватлаётганини эслатди.
Бунга жавобан Зеленский ўзининг Twitter саҳифасида ёрдам учун миннатдорчилик билдирган.
“Биз қўллаб-қувватлашни ҳис қиламиз ва биргаликда ғалаба сари интиламиз”, — деди Украина раҳбари.
