NYT: Украина арзон дронларни қиммат ракеталар билан уриб туширмоқда
Айрим маълумотларга кўра, учувчисиз қурилмалар ҳаво ҳужумига қарши мудофаа тизими ракеталаридан энг камида 7 марта арзон.
Украина қиммат ракеталар билан арзон дронларни уриб туширмоқда. Бу ҳақда New York Times ёзди.
Газета маълумотларига кўра, украиналик ҳарбийлар сўнгги бир неча кунда 80 дан ортиқ учувчисиз қурилмаларни уриб туширган. Аммо Россия фойдаланаётган Эроннинг “Шахед-16” дронлари уларни уриб тушираётган тизимлардан анча арзон.
Украинанинг "Мольфар" консалтинг компанияси директори Артем Старосикнинг сўзларига кўра, учувчисиз қурилмаларга қарши ракеталар дрондан кўра 7 баробарга қимматга тушмоқда.
“ Бир дона “Шахед” 20 минг доллар туриши мумкин. Аммо “ер-ҳаво” типидаги ракета С-300 тизимларида 140 минг доллардан Американинг NASAMS тизимларида ярим миллион долларгача тушмоқда”, – деган у.
Айрим таҳлилчиларнинг фикрича, ушбу вазият кейинчалик Россияга қўл келиши мумкин. “Мольфар” маълумотларига кўра, Москва сентябрдан буён Украинага 600 дрон учирган. Киев ҳаво ҳужумига қарши мудофаа тизими ва унинг харажатларини ошкор қилмайди.
