Малика Диананинг кўйлаги аукционга қўйилди
“Инфанта” услубидаги бахмал либос 80-120 минг долларга баҳоланмоқда.
Малика Диананинг оқшом либоси Нью-Йоркдаги Sotheby's кимошди савдосига қўйилди.
Модельер Виктор Эделштейн томонидан тикилган Малика Диананинг бу либоси иккинчи марта аукционга қўйилмоқда. Мазкур кўйлак 1989 йилда тикилган.
Мутахассислар “Инфанта” услубидаги бахмал либосни 80-120 минг долларга баҳолашмоқда.
1997 йилда малика ўлимидан бир ой олдин либос Christie's аукционида 24 минг долларга сотилган. Бу сафар у шахсий коллекциядан тақдим этилди.
