Европада вазият даҳшатли — Фумио Кисида
Япония Бош вазири бунга уруш сабаб эканини айтмоқда.
Украина атрофидаги вазият туфайли Европа даҳшатли вазиятга тушиб қолди. Бу ҳақда Япония Бош вазири Фумио Кисида айтиб ўтди.
Унинг фикрича, бундан олдин Европанинг гуллаб-яшнаши Россиядан келтириладиган арзон энергия таъминоти эвазига қурилган эди.
“Европа барқарор ва арзон энергия таъминотига асосланган ҳолда ишлаб чиқаришни йўлга қўйган. Бироқ Украинадаги можаро Европа келажаги ҳақидаги картинани тубдан ўзгартирди, вазият даҳшатли тус олди”, — деди Бош вазир.
“Япония ўзининг географик хусусиятларидан келиб чиқиб, энергия ресурслари импортига боғлиқ барча мавжуд имкониятлардан, жумладан, қайта тикланадиган ва атом энергиясидан фойдаланиши керак”, — дея хулоса қилган у.
Эслатиб ўтамиз, Россия Украинада ҳарбий махсус операцияси бошланганидан сўнг Ғарб давлатлари Москвага нисбатан санкциялар босимини кучайтирди. Аммо бу АҚШ ва Европанинг ўзида ёнилғи нархининг ошиши ва рекорд даражадаги инфляцияни келтириб чиқарди.
