Аномал совуқда ҳайдовчи 6 кун даштда қолиб кетди
Юк машинаси ариққа тушиб кетган.
Қирғизистонлик ҳайдовчи 6 кун Қозоғистондаги даштда қолиб кетди.
Қирғизистон фуқаросининг юк машинаси йўлларда қор бўрони содир бўлаётганда, Самара-Чимкент йўлидаги ариққа тушиб кетди.
Автовозни тортиб олишнинг иложи бўлмаган, ҳайдовчи эса юкни қўриқлаётгани учун воқеа жойини тарк этишдан бош тортган. Полиция ҳар куни ҳайдовчининг ҳол-аҳволи, овқат ва сувидан хабар олиб турган.
Кеча автовоз махсус техника ёрдамида ариқдан тортиб олинди.
