0
Тайванда самолётда телефон қувватлагич ёниб кетди
Қурилма йўловчилардан бирининг сумкасида бўлган.
Тайвандаги «Taoyuan» халқаро аэропортида самолёт бортидаги телефон қувватлагич ёниб кетди. Натижада камида икки киши жароҳат олди.
Воқеа Cингапурга учаётган лайнерда юз берган. Қурилма йўловчилардан бирининг сумкасида бўлган.
Гувоҳларнинг сўзларига кўра, йўловчининг сумкасидан тутун чиқа бошлаган. У сумкани полга ташлаган, шундан сўнг ёнғин бошланган.
Экипаж оловни тезда ўчирди, бироқ бортда кучли тутун пайдо бўлди. Самолёт ангар ҳудудига олиб борилди, у ерда 189 нафар йўловчи эвакуация қилинган.
