Ватан поспонлари байрами тантанали нишонланди
Бу йил Ўзбекистон Республикаси Қуролли Кучларининг ташкил топганига 31 йил тўлди.
Бугун Тошкент шаҳар Мирзо Улуғбек туманидаги 338-мактабда 14 январь Ватан ҳимоячилари куни муносабати билан байрам дастури бўлиб ўтди. Тадбирда меҳмон сифатида Ички ишлар академияси харбий тайёргарлик кафедраси катта ўқитувчиси подполковник Рустамов Махмуджон Турабжонович, ИИВ оркестр хонандаси Каримов Фазлиддин Нуритдинович ва академия ўқитувчиси, капитан Акбархўжаев Камол Абрал ўғли иштирок этди.
Тадбир ўқувчилар ижро этган куй-қўшиқлар билан бошланди. Бундан ташқари ватанни мадҳ этувчи шеърлар томошабинларда илиқ таассурот қолдирди. “Кўзмунчоқ” рақс гуруҳи томонидан ижро этилган рақс барчанинг олқишига сазовор бўлди. Шунингдек, тадбир давомида ички ишлар соҳасида узоқ йиллардан бери меҳнат қилиб келаётган подполковник Маҳмуджон Рустамов сўз олиб ўқувчиларга ва тадбир иштирокчиларига ҳарбий соҳа бўйича бир қанча тушунчалар берди. У байрам муносабати билан барча ватан поспонларини самимий табриклади. Ички ишлар академияси ўқувчиларининг саҳна кўриниши эса юртга бўлган муҳаббат туйғуларини яна бир бор жўшқинлантириб юборди.
Маълумот учун, бу йил Ўзбекистон Республикаси Қуролли Кучларининг ташкил топганига 31 йил тўлди.
