“Мимино“ вафот этди
У 84 ёшда эди.
Грузиялик актёр, режиссёр ва қўшиқчи Вахтанг Кикабидзе 84 ёшида вафот этди. Бу ҳақда Грузиянинг “Mtavari Arxi” телеканали хабар бермоқда. Телеканал унинг ўлим сабабларига аниқлик киритмаган.
Вахтанг Кикабидзе 1959 йилда Тбилиси филармониясида ишлай бошлаган, 1966 йилда “Орера” вокал ва чолғу ансамблига қўшилган ва 1967 йилда унинг солисти бўлган.
Кикабидзе 1966 йилда дебют қилиб, “Тоғлардаги учрашув”, «Йиғлама!», “Верийский кварталининг оҳанглари”, “Мимино“ ва бошқа кўплаб фильмларда суратга тушган.
2020 йилда актёр Грузия парламентига собиқ президент Михаил Саакашвилининг “Бирлашган миллий ҳаракат” партиясидан сайланган.
