Пойтахт бўйлаб ҳарбий дала ошхоналари ташкил этилди
Тадбир ҳаво ҳароратининг кескин тушиб кетиши муносабати билан Мудофаа вазирлиги томонидан амалга оширилмоқда.
Мудофаа вазирлиги томонидан Тошкент шаҳри ҳудудларида ҳарбий дала ошхоналари фаолияти йўлга қўйилди.
Пойтахт ва туман ҳокимликлари билан ҳамкорликда ташкил этилган мазкур дала ошхоналарида фуқароларга иссиқ чой ва егуликлар таклиф этилмоқда.
Шунингдек, улар мазмунли вақт ўтказишлари учун китоблар, кўнгилочар воситалар, шахмат-шашка ўйинлари ҳам ташкил этилган.
Шарқий ҳарбий округ қўмондонлиги ташаббуси билан Наманган вилояти Чортоқ тумани ва Фарғона вилояти Киргили, Олтиариқ, Қўштепа туманлари кесимида аҳолига ана шундай кўмак берилмоқда.
