Қозоғистонга кириш қоидалари кучайтирилди
Янги тартиб 27 январдан амал қилади.
Қозоғистон ҳукумати хорижликларнинг республикага кириши ва қолиши қоидаларини ўзгартирди. 27-январдан амал қиладиган янги тартибга кўра, Евроосиё иқтисодий иттифоқига аъзо мамлакатлар фуқаролари, жумладан, россияликлар Қозоғистонда 90 кундан ортиқ бўлмаган муддатда қолишлари мумкин.
Муддати тугаётган муҳожирлар мамлакатни тарк этиб, яшаш муддатини ўзгартириб қайтишлари мумкин.
Агар ушбу муддат ошиб кетган бўлса, мамлакатни тарк этган чет эл фуқаросига кириш тақиқланади. Вақтинчалик яшаш учун рухсатномага эга бўлганларга янги қоидалар таъсир қилмайди.
Қозоғистон Ички ишлар вазирлиги 2022 йил ноябрида «висаран» тартибидан воз кечишни таклиф қилганди. Миграция қоидаларини ўзгартириш муҳожирларнинг мамлакатга кириб келиши устидан назоратни таъминлаш, шунингдек, ноқонуний миграцияга қарши курашишга ёрдам беради.
2022 йилда Қозоғистонга 5,6 миллиондан ортиқ хорижлик келган. Уларнинг 2,9 миллиони россияликлардир. Таъкидланишича, сентябрь ойининг охиридан бери Қозоғистонга келган деярли 150 минг Россия фуқаролари республикада қолган. Улардан 36 минг нафари вақтинчалик яшаш учун рухсатнома олди.
