Навоийда ўрдаклар совуқ сабаб кўлга ёпишиб қолди
Ҳолат юзасидан вилоят экология бошқармаси маълумот берди.
Ижтимоий тармоқда Навоий шаҳридаги «Ёшлик» кўлида ўрдаклар совуқ сабабли сувга ёпишиб қолгани ҳақида хабарлар тарқалди. Ҳолат юзасидан вилоят экология бошқармаси расмий муносабат билдирди.
Қайд этилишича, ўрганиш давомида қушларнинг нобуд бўлганлари бор ёки йўқлигини аниқлаш мақсадида дрон учирилиб, қушлар жойидан қўзғатилган.
Дрон тасвирларига кўра, қушлар орасида нобуд бўлганлари мавжуд эмаслиги аниқланган. Шунингдек «Ёшлик» кўлида бугунги кунда ёввойи ўрдаклар қишламоқда.
Совуқ кунларда қушлар нобуд бўлишининг олдини олиш мақсадида жорий йилнинг 18 январь куни Навоий вилояти Экология бошқармаси ходимлари томонидан кўл атрофига дон сочилган.
