Бразилияда содир бўлган автоҳалокатда 12 киши ҳалок бўлди
Токантинс штатида мобил тиббий фургон юк машинаси билан тўқнашиб кетди.
Токантинс штатида мобил тиббий фургон юк машинаси билан тўқнашиб кетди. Ҳодиса оқибатида камида 12 киши, жумладан, бир чақалоқ ҳалок бўлди, яна икки киши оғир яраланди. Бу ҳақда ҳарбий полицияга таяниб маҳаллий ОАВ хабар берди.
Хитойнинг «Синьхуа» ахборот агентлиги хабарига кўра, бахтсиз ҳодиса чоршанбага ўтар кечаси Нативидади муниципалитети яқинида содир бўлган. Икки машина тўқнашиб кетди.
Қурбонлар орасида микроавтобусда 7 нафар аёл, 4 нафар эркак ва бир нафар чақалоқ бўлган. Яна икки йўловчи жиддий жароҳат олган. Алмас шаҳри соғлиқни сақлаш котибиятига тегишли фургон Токантинс штатининг маъмурий маркази Палмас шаҳридан қайтаётган бўлган.
Хабарда Айтилишича, юк машинасида бўлган эркак ва аёл енгил тан жароҳатлари олган ва улар қисқа вақтдан сўнг касалхонадан чиқарилган.
