Покистонда масжид портлатилди
Оқибатда 100 дан ортиқ киши жароҳатланган.
Покистоннинг Пешовар шаҳридаги масжидда юз берган портлаш оқибатида 28 киши ҳалок бўлди. Бу ҳақда «Корреспондент» нашри ёзмоқда.
Таъкидланишича, яна 150 киши касалхонага ётқизилган, улардан баъзиларининг аҳволи оғир. Ярадорлар орасида ҳуқуқ-тартибот идоралари ходимлари ҳам бор.
Пешовар полицияси бошлиғи сўзларига кўра, масжид полиция штаб-квартираси ва терроризмга қарши кураш бўлимини ўз ичига олган мажмуада жойлашган. Унинг қўшимча қилишича, худкушлик ҳужуми эҳтимолини инкор этиб бўлмайди – масжид ичидан портловчи моддалар изи топилган.
Масжиднинг бир қисми қулаган, вайроналар остида ҳамон одамлар бўлиши мумкинлиги тахмин қилинмоқда. Ҳозирча ҳеч қайси ташкилот ҳужум учун жавобгарликни ўз зиммасига олгани йўқ.
