0
Чили аланга ичида қолди
Ўрмон ёнғинларида мингга яқин одам жароҳатланган.
Чилини қамраб олган ўрмон ёнғинлари оқибатида камида 23 киши ҳалок бўлди, мингга яқин киши жароҳатланди. Улар орасида қутқарувчилар ва ўт ўчирувчилар ҳам бор.
«Корреспондент» нашрининг хабар беришича, мамлакатда 232 та аланга ўчоғи қайд этилган.
Президент Габриел Борич ҳукумати минтақасида фавқулодда ҳолат эълон қилди. Айни вақтда ҳарорат 40 даража иссиқ.
Ёнғинлар камида 88 уйни вайрон қилган ва 47 минг гектар ўрмонни қамраб олган. Ҳудудга жами 2300 га яқин ўт ўчирувчи ва 75 та самолёт сафарбар этилган.
