Исроил Украинага қурол етказиб бериши мумкин
Бу масалани Исроилнинг аввалги ҳукумати рад этганди.
Исроил ҳукумати Украинага қурол етказиб бериш имкониятини ўрганмоқда. Бу ҳақда мамлакат Бош вазири Бинямин Нетанях маълум қилди.
“Қурол етказиб бериш масаласи Исроилнинг аввалги ҳукумати томонидан кўриб чиқилди ва рад этилди. Мен бу мавзуни ўрганиб чиқаман ва ўзим мақбул деб ҳисоблаган жавобни бераман”, — деган у.
Бош вазир сўзларига кўра, мазкур қарор Исроилнинг миллий манфаатларини ҳисобга олган ҳолда қабул қилинади. Шунингдек, Қуддус Украинага гуманитар ёрдам кўрсатишда давом этади.
Нетаняху Қўшма Штатлар аллақачон Киевга Исроилда бўлган ўқ-дориларнинг салмоқли қисмини юборганини таъкидлаб, бу Вашингтоннинг қарори эканини таъкидлаган.
