Россия нефтига қўйилган чеклов ўз самарасини берди
Россиянинг даромади 30 фоизга камайган.
Россия нефтига нарх чегарасининг жорий этилиши муносабати билан январь ойида Россиянинг нефть ва газдан тушган даромадлари учдан бирига қисқарди. Бу ҳақда Халқаро энергетика агентлиги раҳбари Фотиҳ Бирол маълум қилди.
Маълумотларга кўра, январь ойида Россия нефть ва газ сотишдан ўтган йилнинг шу даврига нисбатан 8 миллиард еврога кам даромад олган — даромаднинг пасайиши 30 фоизни ташкил этди.
Таҳлилчиларга кўра, Европанинг Россия нефтининг импортини тақиқлаши ва Ғарб давлатлари томонидан ўрнатилган нарх чегараси Россияга кунига 160 миллион еврога тушади.
Европа Иттифоқининг Россия нефтига денгиз орқали етказиб бериладиган эмбаргоси 5 декабрдан кучга кирди. Шу билан бирга, Европа Иттифоқи, G7 давлатлари ва Австралия Россия нефть етказиб беришнинг бир баррелига 60 доллардан юқори чегарани белгилади.
Бундан ташқари, Европа Иттифоқи Кенгаши 5 февраль куни Россиядан келадиган нефть маҳсулотларига иккита нарх чегараси белгилашга қарор қилди. Хом нефтга чегирма билан сотиладиган нефть маҳсулотлари бир баррель учун 45 доллардан юқори нархга эга бўлади.
Хом нефтга устама билан сотиладиган қайта ишланган нефть маҳсулотлари баррели учун 100 долларлик иккинчи чегара нархи ўрнатилади.
Бунга жавобан Россия президенти Владимир Путин нарх чегарасини жорий қилган давлатларга нефть етказиб беришни тақиқловчи фармонни имзолади.
