0
Бухорода GAZ-31105 ёниб кетди
Ҳосидага қисқа туташув сабаб бўлган деб тахмин қилинмоқда.
Кеча, 11 февраль куни Бухоро шаҳрида GAZ-31105 автомобили ёниб кетди. Бу ҳақда вилоят Фавқулодда вазиятлар бошқармаси хабар бермоқда.
Ҳолат Бухоро шаҳнинг «Кўкалдош» МФЙ ҳудудидаги кўчада юз берган. Соат 21:47 да йўл ёқасида бўлган GAZ-31105 русумли енгил автомобилда ёнғин чиққанлиги юзасидан вилоят ФВБга хабар келиб тушган.
2 та ёнғин-қутқарув отряди воқеа жойига 21:54 да йетиб бориб, ёнғин 22:04 да ўчирилган.
Автотранспорт воситаси 2008 йилда ишлаб чиқилган бўлиб, ёнғиндан унинг олд копот ва мотор қисми ёнган. Ҳодисага электр симларининг қисқа туташуви сабаб бўлган деб тахмин қилинмоқда.
