Францияни каламушлар босиб олди
Айрим жойларда уларнинг сони аҳоли сонидан ошиб кетган.
Франция нафақат мигрантлар оқимидан, балки каламушлардан ҳам азият чекмоқда. Бутун мамлакат бўйлаб кемирувчилар сони кескин ошиб кетди.
Ўтган йилда каламуш овловчиларга талаб 35 фоизга кўтарилди. Айрим экспертлар Лионда каламушлар сони аҳоли сонидан ошиб кетгани, Бордода эса уларнинг фарқи 2 бараварга етганини айтмоқда.
Мутахассислар бу даражадаги кўпайишга кўчалардаги озиқ-овқат чиқиндилари сабаб бўлаётганини айтмоқда. Гап шундаки, карантин чекловлари бекор қилиниши билан французлар кўчаларда овқатланишга ўтди. Иккинчидан глобал исиш каламушлар кўпайишига олиб келади.
Кемирувчиларга қарши кураш касаба уюшмаси бир неча йил аввал тақиқланган кимёвий заҳарлаш ва уларнинг тиши ўтмайдиган герматик чиқинди қутилари ишлаб чиқаришни таклиф қилмоқда.
