НАТО бош котиби ўз ўрнини ҳеч кимга беришни истамаяпти
У тугаб бораётган ваколати муддатини узайтирмоқчи.
НАТО бош котиби Йенс Столтенберг ваколатини 2024 йилнинг апрелигача узайтиришни режалаштирмоқда. Бу ҳақда «Reuters» агентлиги хабар берди.
Шу тариқа ташкилот Украинадаги уруш даврида альянс барқарорлигини таъминламоқчи.
Яқин ҳафталарда расмий қарор қабул қилиниши кутилмоқда, чунки 30 та аъзо давлат ўртасида Столтенберг 2023 йил 30 сентябрда муддати тугагандан кейин ҳам лавозимида қолиши ҳақида норасмий келишув мавжуд.
Агентликнинг таъкидлашича, бу муддатнинг узайтирилиши Столтенбергга 2024 йил апрелида Вашингтонда бўлиб ўтадиган НАТОнинг 75 йиллик юбилей саммитига раислик қилиш, шунингдек, Жаҳон банки президенти бўлиш имкониятини беради.
Столтенберг ўрнига ким тайинланиши борасида ҳали бир қарорга келмаган, бироқ бу лавозимга етакчи номзодлар қаторида Испания бош вазири ва Британия мудофаа вазири бор.
