«Буханка» ичидан сичқон ахлати чиққани айтилди
Ҳолат Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан ўрганиб чиқилди.
Тelegram’да «Потребитель Бухара плюс» гуруҳида февраль бошларида Бухородаги Mega market дўконидан харид қилинган қолипли нонлардан сичқонларнинг ахлати чиққани ҳақида пост қолдирилгани юзасидан Рақобатни ривожлантириш ва истеъмолчилар ҳуқуқларини ҳимоя қилиш қўмитаси мазкур ҳолатни ўрганиб чиқди.
Унга кўра, қўмитанинг Бухоро вилоят ҳудудий бошқармаси «Истеъмолчиларнинг ҳуқуқларини ҳимоя қилиш тўғрисида»ги қонуннинг 6 (товар (иш, хизмат)лар тўғрисидаги маълумот) ва 12-моддалари (истеъмолчининг товар (иш, хизмат) хавфсиз бўлишига талаб қўйиш ҳуқуқи) талаблари бузганлиги ҳолати бўйича иш қўзғатилди.
Шунингдек, муносабатда истеъмолчиларга етказилган зарарни қоплаш юзасидан иш якунига кўра ишлаб чиқарувчи корхонага тегишли кўрсатма берилиши таъкидланган.
Бундан ташқари, Санитария-эпедимиология ва осойишталик хизмати ходимларини жалб этилиб, савдо шохобчаси ва ишлаб чиқарувчи корхонада санитария меъёрларига риоя этилиши бўйича ўрганишлар ўтказилгани қайд этилган.
