Россия билан қарама-қаршилик узоқ йиллар давом этиши мумкин
Бу ҳақда НАТО бош котиби огоҳлантирди.
НАТО Россия билан узоқ йиллар давом этиши мумкин бўлган қарама-қаршиликка тайёрланиши керак, деди НАТО Бош котиби Йенс Столтенберг.
"Биз кўп йиллар давом этиши мумкин бўлган узоқ сафарга тайёр бўлишимиз керак. Қарама-қаршилик муддатини олдиндан айтиб бера олмайман, чунки вазият бирданига ўзгариши мумкин", деди у.
Эслатиб ўтамиз, аввалроқ Россия ташқи ишлар вазири Сергей Лавров Қўшма Штатлар ва НАТО Украинадаги можарода бевосита иштирок этаётгани ҳақида гапирганди. Жумладан, нафақат қурол-яроғ етказиб бериш, балки кадрлар тайёрлашда ҳам.
