Садир Жапаров Қирғизистоннинг барча президентлари билан йиғилиш уюштирди
Амалдаги давлат раҳбари ва собиқ президентлар бир-бирларини кечиришган.
Йиғилишда Асқар Акаев, Қурманбек Бакиев, Роза Отунбаева, Алмазбек Атамбаев ва Сооронбай Жеэнбеков иштирок этган. Учрашув жойи нейтрал ҳудуд сифатида белгиланган.
Садир Жапаров ижтимоий тармоқларда катта мурожаат эълон қилди. Амалдаги ва собиқ президентларни бир столга ўтиришди.
“Мамлакат келажагини ўйласак, «Акаевники», «Бакиевники», «Атамбаевники», «Отунбоевники», «Жеэнбековники», ва бошқаларга бўлинишни бас қилиш керак. Қирғизистон халқининг бирлиги, эртанги кунини ўйлаш керак”, — деди Жапаров.
Собиқ президентлар Жапаровнинг бу ташаббусини қўллаб-қувватлади. Улар норозиликлари ҳақида гапириб, хатоларини тан олишган ва бир-бирларини кечиришган.
“Кечира билиш ва кечирилиш дин нуқтаи назаридан ҳам, аждодлар одатларидан ҳам буюк анъанадир. Агар Қирғизистон тараққиётини истасак, эски норозиликдан воз кечишимиз керак”, — дея қўшимча қилди амалдаги президент.
