Шимолий Корея узоқ масофали баллистик ракета учирди
Япония ҳукумати Пхенянга норозилик билдирди.
Шимолий Корея Япон денгизи томон баллистик ракета учирди, деб хабар берди Жанубий Корея Бирлашган штаб бошлиқлари қўмитаси.
“Ҳарбий кучларимиз 18 февраль куни Шимолий Корея томонидан Пхеняндаги Сунан ҳудудидан узоқ масофали баллистик ракета учирилганини аниқлади ", — дейилади хабарда.
Япония денгиз хавфсизлиги хизматининг маълум қилишича, ракета аллақачон қулаб тушган. Ҳалокат жойи ҳозирча аниқланмаган. Айрим маълумотларга кўра, у АҚШ ҳудудига етиб боришга қодир.
Бунгача агентлик мамлакат Мудофаа вазирлиги маълумотларига таяниб, ракета Осима оролидан 200 км ғарбга — Япониянинг эксклюзив иқтисодий зонаси ичига қулаши мумкинлигини таъкидлаган.
Япония мудофаа вазирлиги маълумотларига қараганда, баллистик ракета 66 дақиқа давомида ҳавода бўлган. У тахминан 900 километр масофани босиб ўтди ва максимал парвоз баландлиги 5,7 минг километрни ташкил этди.
Ракета синови муносабати билан Япония ҳукумати Пекинда дипломатик каналлар орқали КХДРга кескин норозилик билдирди.
