0
Twitter яна ходимларини қисқартирди
Илон Маск аввалроқ энди ишчиларни бўшатиш нияти йўқлигини айтганди.
Twitter яна 200 нафар ходимини ишдан бўшатди.
Қайд этилишича, маълумотларни бошқариш соҳасидаги ходимлар, ахборот таҳлилчилари ва машиналарни ўрганиш бўйича мутахассислар ишдан бўшатилган. Қисқартиришлар, шунингдек, Twitter пул топадиган хизматларни бошқарадиган монетизация гуруҳига ҳам таъсир қилди. Ушбу тузилмада ҳозиргача 30 киши ишлаган бўлса, ҳозир улар саккиз нафардан кам.
2022 йилнинг ноябрида Илон Маск Twitterʼни сотиб олганидан кейин оммавий ишдан бўшатишни амалга оширган. Натижада компания ходимлари 7,5 минг кишидан 2 минг кишига қисқарди. Ноябрь ойи охирида тадбиркор ички йиғилишда ижтимоий тармоқ ходимларига кейинги ишдан бўшатиш режаси йўқлигини айтган.
