Зеленский урушнинг энг оғир нуқтасини айтди
Шу билан бирга Украина етакчиси ҳарбийлар матонатига ҳурмат бажо келтирди.
Украина Президенти Зеленский нутқида Донбасс учун олиб борилган жанглар ҳақида фикр билдирди. Унинг сўзларига кўра, минтақадаги ҳарбий ҳаракатлар Украина ҳарбийлари учун энг оғир амалиётлардан ҳисобланади.
“Айниқса, Донбассда жанг қилаётган аскарларнинг жасорати, кучи ва чидамлилигига ҳурмат бажо келтирмоқчиман. Бу энг қийин жанглардан биридир. Оғриқли ва қийин”, — деди Владимир Зеленский Telegram каналига жойланган видеода.
2022 йилнинг ёзидан буён минтақада, жумладан, Бахмут шаҳри учун ҳам шиддатли жанглар давом этмоқда. 6 март куни Украина Қуролли кучлари қўмондонлиги шаҳар мудофаасини давом эттириш тарафдори эканини маълум қилди.
Шу куни «Вагнер» хусусий ҳарбий компанияси асосчиси Евгений Пригожин Бахмут ҳудудида Украина Қуролли Кучлари ҳаракатларини кучайтирганини эълон қилди. Унга кўра, Константиновка, Северск, Славянск ва Часов Ярда Украина қўшинлари гуруҳлари тузилган.
