0
Украина можароси яқин орада тугамайди— Шольц
Германия канцлери мамлакатда қурол ишлаб чиқаришни доимий асосда йўлга қўйишни таклиф қилди.
Украина низоси узоқ давом этади. Бу ҳақда Германия канцлери Олаф Шольц маълум қилди.
“Бу яна узоқ вақт давом этишидан хавотирдамиз. Шу билан бирга, ҳар куни бунинг акси бўлишини истаймиз”, — деган у.
Канцлернинг таъкидлашича, можаро ортидан Германияда қурол ва ўқ-дори ишлаб чиқаришни доимий асосда йўлга қўйиш керак.
Украина низоси бошлангач, Берлин ўз ҳарбий сиёсатини қайта кўриб чиқишни бошлади. Германия бир томондан Киевга ҳарбий ёрдам кўрсатаётган бўлса, бошқа томондан ўз қуролли кучларини модернизация қилишни кучайтирди. Шу мақсадда 100 милиард евролик махсус фонд тузилган.
