0
Украинада қўлга киритилган қурол намуналари Эронга берилди
“Эронлик муҳандислар улар асосида ўз версияларини яратишади”, — дейилади CNN хабарида.
Россия Украинада қўлга киритилган ва Ғарбда ишлаб чиқарилган қуролларни, жумладан, Javelin ҳамда Stinger танкка қарши тизимларидан олинган намуналарни Эронга топширди. Бу ҳақда CNN хабар бермоқда.
Телеканал манбаларининг таъкидлашича, қўлга киритилган қуроллар кўп ҳолларда демонтаж ва таҳлил қилиш учун Россиядан Эронга олиб келинади. Эронлик ҳарбий муҳандислар ушбу қурол тизимларидан ўз версияларини яратишга ҳаракат қилишлари мумкин.
Москва ва Теҳрон ҳарбий ҳамкорлик ва ҳар қандай қурол етказиб берилиши ҳақидаги хабарларни бир неча бор рад этган.
