Фон дер Ляен рус газига бўлган қарамликдан қутулишга ёрдамлашгани учун Байденга миннатдорлик билдирди
Томонлар Россияга қарши санкцияларни кучйтириш ва Украинани қўллашга келишиб олди.
Жозеф Байден ва Европа комиссияси раҳбари Урсула фон дер Ляйен АҚШдаги учрашувда иқтисодиёт, қитъалар ўртасидаги савдо ҳамда Россия-Украина можаросини муҳокама қилди.
Оқ уй раҳбари билан учрашув чоғида фон дер Ляйен Украинани озодлик ва мустақиллик учун курашда биргаликда қўллаб-қувватлашга ҳамда Россияни агрессия учун катта тўлов тўлашга мажбур қилишга қатъийлигини билдирди.
Шунингдек, томонлар Москвага қарши санкцияларни кучайтиришга келишиб олдилар.
"Биз Украинани қўллаб-қувватлашда давом этамиз ва Россиянинг уруш олиб бориш қобилиятини пасайтирамиз. Қочиш ва четлаб ўтишнинг олдини олиш учун санкцияларимизни кучайтирмоқдамиз. Биз РФ уруш машинасини ёқилғи билан таъминлашда давом этаётган таъминот йўлларини кесиб ташлашимиз керак ", — деди фон дер Ляйен.
Шунингдек, у Байденга АҚШ Европани Россия энергетика ресурсларига қарамликдан халос қилишда кўрсатган ёрдами учун миннатдорчилик билдирди.
