Сунак ва Макрон Россия таҳдидига қарши бирга курашмоқчи
Томонлар аниқ зарба берувчи қурол ишлаб чиқариш бўйича келишув арафасида.
Буюк Британия бош вазири Риши Сунак ва Франция Президенти Эммануэл Макрон Париждаги учрашувда Россия агрессияси таҳдидидан ҳимояланиш учун аниқ зарба берувчи қуролларни ишлаб чиқиш бўйича келишувни имзолайди. Бу ҳақда Британиянинг “Скй Невс” телеканали хабар бермоқда.
Икки давлат раҳбарлари, шунингдек, Украина денгиз пиёдаларини тайёрлаш ва Киевга қурол-яроғ етказиб бериш бўйича ҳамкорликни оширишга келишиб олишлари мумкин. Сунакнинг сўзларига кўра, Ғарб ҳозирда мисли кўрилмаган таҳдидларга дуч келмоқда, шунинг учун у ва Франция Президенти “келажак муаммолари” олдини олиши учун НАТОни мустаҳкамлаш истагида.
ОАВнинг қўшимча қилишича, музокаралар давомида томонлар Россияни Европа ва глобал хавфсизликка энг катта таҳдид сифатида тан олишни режалаштирмоқда. Расмийларнинг айтишича, НАТОга бу лойиҳа “Россиядан келаётган таҳдиддан ҳимояланиш” учун керак.
