Андижонда Lacetti ЙТҲга учраб тўлиқ ёниб кетди
Ҳолат бўйича ФВБ маълумот берди.
Кеча, 19 март куни Андижон вилоятининг Шаҳрихон туманида иккита автомашина ўзаро тўқнашиши оқибатида ёнғин содир бўлди. Ҳолат бўйича вилоят Фавқулодда вазиятлар бошқармаси маълумот берди.
Ҳодиса соат 22:59 ларда Шаҳрихон туманидаги Андижон-Тошкент йўналишида юз берган. 2004 йилда туғилган Р.А. Lacetti автомобили билан мазкур йўналишда ҳаракатланиб кетаётган вақтида бошқарувни йўқотган ва йўлнинг қарама-қарши томонидан келаётган Nexia билан тўқнашган.
Тўқнашув сабабли ёнғин келиб чиқиб, Lacetti автомобили тўлиқ ёнган. ФВБ ходимлари воқеа жойига соат 23:11 да етиб бориб, 23:14 да ёнғин ўчирилган. Ҳозирда унинг зарари аниқланмоқда.
