0
Фумио Кисида бугун Киевга боради
Япония бош вазири “Катта еттилик” етакчилари орасида Украинага келмаган ягона давлат раҳбари бўлиб келаётганди.
Япония бош вазири Киевга боради. Бу ҳақда NHK телеканали хабар берди.
Унга кўра, ташриф бугун амалга оширилади. Сафари давомида Фумио Кисида Владимир Зеленский билан учрашади. Бу бош вазирнинг Ҳиндистон сафаридан кейин амалга оширилиши айтилган.
Кисида “Катта еттилик” етакчилари орасида Киевга келмаган ягона давлат раҳбари бўлиб келаётганди.
Япония ҳозирда G7’га раҳбарлик қилмоқда. Май ойида ташкилотга аъзо давлат етакчилари Хиросимада йиғилади. Унга Владимир Зеленский ҳам таклиф этилиши мумкин.
