Байден: Хитой Россияга ҳозирча қурол етказиб бермади, аммо энди буни амалга ошириши мумкин
АҚШ аввалроқ Пекин Москвага ноҳарбий ёрдам етказиб бераётгани ва қурол-яроғ юбориш масаласини кўриб чиқаётганини айтган эди.
АҚШ Президенти Жо Байден Хитой Россияга қурол етказиб бермаганини айтди. Унинг фикрича, Пекин келажакда қурол-яроғларни топшириши мумкин.
“Охирги уч ойдан бери Хитой Россияга муҳим қурол-яроғлар етказиб бермоқчи, деб эшитяпман. Улар буни ҳали қилмаган, лекин ушбу ҳолат улар бундай қилмасликларини англатмайди”, — деди Байден Оттавада Канада бош вазири Жастин Трюдо билан бўлиб ўтган музокаралар якунлари бўйича матбуот анжуманида.
АҚШ аввалроқ Хитой Россияга ноҳарбий ёрдам етказиб бераётгани ва қурол-яроғ юбориш масаласини кўриб чиқаётганини айтган эди. Хитой Ташқи ишлар вазирлиги буни спекуляция деб атади. «Политисо» нашрига кўра, ХХР ҳукуматига алоқадор бўлган компаниялар Россияга 1000 га яқин карабинлар ва бошқа жиҳозлар, жумладан, дрон қисмлари ва зирхларини жўнатган.
