Путининг қарори Ғарбнинг пайтавасига қурт туширди
“Россия Беларусда ядро қуролини жойлаштиришдан воз кечмайди”, — деди Песков.
Ғарбнинг муносабати Россия расмийларининг Беларусда тактик ядро қуролини жойлаштириш режаларига таъсир қилмайди. Бу ҳақда Президент матбуот котиби Дмитрий Песков маълум қилди.
“Бундай муносабат, албатта, Россиянинг режаларини ўзгартира олмайди. Президент баёнотида ҳаммасини тушунтириб берди, бунга қўшимча қиладиган ҳеч нарса йўқ”, — деди Кремль матбуот котиби.
Эслатиб ўтамиз, 25 март куни Владимир Путин Беларусда тактик ядровий қуроллар сақланадиган омборнинг қурилиши июлга қадар якунланишини маълум қилганди. Қўшма Штатлар Россиянинг Беларусда ядро қуролини жойлаштириш аломатларини ҳозирча кўрмаяпти.
Европа дипломатияси раҳбари Жосеп Боррелл Европа Иттифоқининг Россияга қарши янги санкциялар жорий этишга тайёрлигини эълон қилди, буни Литва қўллаб-қувватламоқда. Германия Ташқи ишлар вазирлиги жаноб Путиннинг сўзларини ядровий қўрқитишга уриниш деб атади. Франция эса Россия Федерациясини ўз қарорини қайта кўриб чиқишга чақирди.
