Ойда янги сув манбайи топилди

 

Олимлар Ойда сув борлигини билишади. Аммо мутахассисларда ҳаёт манбаси у ерга қандай келгани ва қаерда экани ҳақида саволлар бор. Хитой Фанлар академияси тадқиқотчилари томонидан эълон қилинган янги мақолада Ой тупроғида яшириниши мумкин бўлган зарбали шиша шарларни тасвирлаб беришган.

 

Тадқиқотчилар 2020 йилда “Chang-e 5” миссияси давомида хитойлик ровер томонидан тўпланган ой тош намуналарини ўрганишдан сўнг шундай хулосага келишган. Улар орасида ҳар бирида 0,002 граммгача суюқлик бўлган 32 та майда гранулалар топилган. Ер сунъий йўлдошида миллиардлаб, ҳатто триллионлаб бундай зарралар бўлиши мумкин, энг консерватив ҳисоб-китобларга кўра, улар ўзида 297,6 миллиард тоннагача сувни сақлай олади.

 

Таъкидланишича, бу қайта тикланадиган манба. Олимларнинг фикрича, майда гранулалар метеоритлар билан тўқнашув натижасида ҳосил бўлади, бу бизнинг табиий йўлдошимиз учун унчалик кам эмас. Шунингдек, тадқиқот қуёш шамоли водород молекулалари билан ўзаро таъсирлашганда, улар доимо сув чиқаришини аниқлади. Бу жуда тезкор жараён бўлиб, бундай шиша шарлар бир неча йил ичида ўзида суюқлик тўплайди.

 

“Бундай қисқа диффузия вақти қуёш шамоли томонидан ишлаб чиқарилган сув тезда тўпланиши ва ой юзасига урилган метеорит таъсирида ҳосил бўлган шиша шарлар ичида сақланиши ҳамда гидрация белгиларини сақлаб қолиши мумкинлигини кўрсатади”, — дейди тадқиқот ҳаммуаллифи, Нанкин университети олими Хежиу Хувэй.

 

Ҳозирда “Chang-e 5” роверидан олинган намуналарни таҳлил қилиш давом этмоқда. Шунинг учун олимлар яқин келажакда янги кашфиётлар бўлишини истисно қилишмайди. Аммо энг муҳими, уларда мавжуд бўлган маълумотлар бошқа тош сайёраларда сув мавжудлигига умид қилиш учун асос беради