43 нафар ўқувчи атирдан заҳарлангани айтилди
6-синф ўқувчиси ўзи билан мактабга атир олиб келган ва уни синфхонада сепган.
Қирғизистон Республикаси Ўш вилоятида 6-синф ўқувчиси ўзи билан мактабга атир олиб келган ва уни синфхонада сепган. Бундан ўқувчилар ўзини ёмон ҳис қила бошлаган. Шундан сўнг улар зудлик билан шифохонага ётқизилган.
Уларга номаълум моддадан заҳарланиш ташхиси қўйилган.
Шифокорлар 18 нафар ўқувчи кузатув остида қолишлари керак деган қарорга келишган. Улар касалхонага ётқизилган. Болаларнинг аҳволи қониқарли экани айтилди.
Кейинчалик эса 14 нафар мактаб ўқувчисига касалхонадан чиқишга рухсат берилди, қолган тўрт нафари эса ҳозирча шифокорлар назоратида қолади.
