Трамп атрофидаги можароларни Байдендан кўрмоқда
Унинг фикрича, бу амалдаги президентнинг ўйини.
АҚШнинг собиқ президенти Доналд Трамп Нью-Йорк ҳакамлар ҳайъати томонидан ўзига қўйилган айбловларни “сиёсий таъқиб” ва “тарихдаги энг юқори даражадаги сайловларга аралашиш” деб атади.
“Америка халқи бу ерда радикал сўл демократлар нима қилаётганини жуда яхши тушунади. Буни ҳамма кўриб турибди. Демак, бизнинг ҳаракатимиз ва партиямиз бирлашган ва кучли "Биз боряпмиз. аввал (Манхеттен округи прокурори) Алвин Браггни мағлуб этиб, кейин эса Жо Байденни мағлуб этамиз. Биз бу эгри демократларнинг барчасини охиригача қувиб чиқарамиз, шунда биз Американи яна буюк қилишимиз мумкин”, — деди сиёсатчи баёнотида.
Ҳакамлар ҳайъати қарори Трампни ҳайратда қолдирган. Собиқ президент Республикачилар партиясининг юқори мартабали аъзоларига қўнғироқ қилиб, улардан ёрдам олишга ҳаракат қилгани хабар қилинмоқда. Аввалроқ Нью-Йоркдаги ҳакамлар ҳайъати Трампни айблаш учун овоз бергани хабар қилинганди. Бу собиқ актриса Стормй Даниелс иши билан боғлиқ.
