Хитой Украинадаги ўйин қоидаларини ўзгартира оладиган ягона кучми?
Франция расмийлари Пекин низонинг ҳар икки томонига бирдек таъсир кўрсата олади, деб ҳисобламоқда.
Хитой Украинадаги урушда ўйин қоидаларини ўзгартира оладиган кам сонли давлатлардан бири. Бу ҳақда журналистларга Эммануэль Макроннинг Хитойга ташрифи арафасида Франция президенти девонидаги манба маълум қилди, деб ёзади CNN.
“Аниқки, Хитой Ер юзидаги кам сонли давлатлардан бири – эҳтимол дунёдаги ягона давлат – у ҳар икки томон учун можарога ўзгартирувчи таъсир кўрсатади”, дейилади манбада.
Макрон чоршанба куни Пекинга ташрифини бошлайди ва 8 апрель куни Хитойни тарк этишдан олдин жанубий Гуанчжоу шаҳрига ҳам боради.
ХХР раиси Си Цзиньпин ва Бош вазир Ли Сян билан режалаштирилган учрашувларда Макрон "Украина халқи учун фойдали бўлган ташаббусларни синаб кўриш учун макон топишни ва ўрта муддатли истиқболда бу урушни тугатиш учун ечим излаш йўлини топишни мақсад қилган”, дейилади хабарда.
Шунингдек, у Европа Иттифоқи ва Хитой ўртасидаги ҳамкорлик масаласини кўтариши кутилмоқда, чунки унга Еврокомиссия раҳбари Урсула фон дер Ляйен ҳамроҳлик қилади.
