Қўшиқчи Леди Гагага Оқ уйда лавозим берилди
Бундан ташқари, продюсер Брюс Коэн ҳам янги лавозимга тайинланди.
Америка президенти қўшиқчи Леди Гагани Оқ уй санъат ва маданият қўмитаси ҳамраиси этиб тайинлади.
АҚШ президенти Жо Байден қўшиқчи Леди Гагани Оқ уй санъат ва маданият қўмитаси ҳамраиси этиб тайинлади. Бу ҳақда РИА Новости Америка администрациясига таяниб хабар берди.
Хабарга кўра, Гага 13 та "Грэмми" мукофоти соҳиби бўлиб, бу уни "тарихдаги тижорат соҳасида энг муваффақиятли аёл мусиқачилардан бирига айлантирди".
Оқ уй, шунингдек, у "Forbes" журнали дунёнинг энг нуфузли аёллари рўйхатига, бундан ташқари, "Time" журнали талқинига кўра дунёдаги энг нуфузли 100 киши рўйхатига киритилганини эслатди.
Бундан ташқари, Байден америкалик продюсер Брюс Коэнни ушбу қўмитанинг яна бир ҳамраиси этиб тайинлади.
Маълумот учун: Маданият ва санъат қўмитаси 1982 йилда ташкил этилган бўлиб, унинг вазифаси Оқ уйга маданият сиёсати бўйича тавсиялар беришдан иборат. У "санъат ва гуманитар фанларни қўллаб-қувватлашга содиқлигини кўрсатган" таниқли санъаткорлар, олимлар ва хайриячилардан иборат. Ушбу қўмита аъзолари шахсан АҚШ президенти томонидан тайинланади.
