Фарғоналик аёл чақалоғини 10 минг долларга сотмоқчи бўлди
У шу орқали ўзига уй сотиб олишни режалаштирган.
Фарғона шаҳрида 8 ойлик чақалоғини сотаётган аёл қўлга олинди. Бу ҳақда вилоят ИИБ ахборот хизмати хабар берди.
Аёл Янги аср кўчасидаги массажхонада ишлаган ва шу ерда яшаган. У чақалоғини сотиб, эвазига уй олмоқчи бўлган. Аёл ўз фарзандини 10 минг долларига сотаётган вақтда ушланган.
“Уйим йўқлиги сабабли боламни 10 минг долларга сотмоқчи бўлдим. Қилган ишимдан афсусдаман”, дейди у.
Ҳозирда ҳолат юзасидан терговга қадар текширув ҳаракатлари олиб борилмоқда.
