Хитойлик эркак лотереяда 365 кунлик пуллик таътилни ютиб олди
У компанияда муҳандис бўлиб ишлайди.
Хитойда компания муҳандиси ташкилот томонидан уюштирилган лотереяда 365 кунлик ҳақ тўланадиган таътилни ютиб олганидан сўнг бутун мамлакатнинг ҳасадига учради.
Тахминан бир ҳафтадан бери Хитой ижтимоий тармоқларида тарқалаётган видеода ёш йигитнинг “365 кунлик ҳақ тўланадиган таътил” деб ёзилган катта ёзувни ушлаб ўтирганини кўриш мумкин. Кўп ўтмай бу кадрлар мамлакат ахборот агентликларининг эътиборини тортди ва улар видеода кўрсатилган жой ва шу тариқа у ерда содир бўлган воқеани аниқлашга эришишди. Маълум бўлишича, бу воқеа Шенженда ўтказилган йиллик йиғилишда қайд этилган бўлиб, компания раҳбарияти ходимларининг зўриқишларини қувноқ ва жозибали лотерея совринларини таклиф қилиш орқали юмшатишни хоҳлаган.
Номи ошкор этилмаган компаниянинг маъмурий ходими Чен хоним журналистларга унинг иш берувчиси COVId-19 пандемияси сабабли уч йил давомида йиллик йиғилишлар ташкил қилмаганини айтди. Шунинг учун у ходимларнинг ютуқ ютиши мумкин бўлган қизиқарли лотерея ўтказиб, ходимларнинг стрессини енгиллаштиришга қарор қилди. Масалан, тадбирда бирор ходим “ ҳамкасблари учун официант бўлиб хизмат қилиши” ёки “махсус уй ичимлик” ичишига мажбурлаш, шунингдек, қўшимча дам олиш ёки яна бир неча кунлик пуллик таътилни ўз ичига олган совринлар қўйиш кўзда тутилган.
Ғайриоддий мукофот кўплаб хитойлик ишчиларни ҳайратда қолдирди. Баъзилар тўлиқ йиллик пуллик таътилни ютиб олишни фақат орзу қилишлари мумкинлиги, бошқалари эса бу мукофот аслида яширин тузоқ эканини даъво қилишди.
Тез фурсатда Хитой ижтимоий тармоқларини портлатган хабарга кунига миллионлаб муносабатлар билдирилмоқда.
