Байден Си Цзиньпинга сим қоқмоқчи
Бу ҳақда Оқ уй матбуот котиби журналистлар билан навбатдаги брифингда маълум қилди.
АҚШ Президенти Жо Байден Хитой раҳбари Си Цзиньпин билан телефон орқали суҳбатлашмоқчи. Бироқ ҳозирча аниқ режалар ҳақида маълумот йўқ. Бу ҳақда Оқ уй матбуот котиби Карин Жан-Пьер журналистлар билан навбатдаги брифингда маълум қилди.
“Қўшма Штатлар бир неча бор Хитой Раиси Си Цзиньпинга қўнғироқ қилиш ниятини етказган. Ҳозирча қўнғироқ ҳақида аниқлик йўқ. Аввал айтиб ўтганимиздек, биз Хитой билан алоқа каналларини очиқ қолишини муҳим, деб ҳисоблаймиз. Гарчи биз ХХР билан стратегик рақобат ҳақида гапираётган бўлсак ҳам. Хитой билан икки томонлама муносабатлар муҳим ва бу ўзгармайди”, — деб қўшимча қилди Жан-Пьер.
АҚШ маъмурияти сўнгги ҳафталарда Байден Си Цзиньпин билан телефон орқали мулоқот қилиш истагини аниқ айтиб келмоқда. Март ойида “Reuters” агентлиги хабар берганидек, Пекин музокараларни ўтказишдан манфаатдор эмас, бунга қисман Вашингтоннинг Тайванга нисбатан ҳаракатлари сабаб бўлмоқда.
