Осиёни жазирама тўлқини қамраб олди
Ҳиндистонда иссиқлик тўлқини сабаб мактаблар ёпилди.
Хитой оммавий ахборот воситаларининг хабар беришича, Янсзи дарёси дельтасининг кўплаб провинцияларида апрель ойи учун рекорд ҳарорат кузатилмоқда. Пекинда 20 даражадан юқори ҳарорат — бу ҳам апрель рекорди ҳисобланади.
Ҳиндистонда иссиқлик тўлқини туфайли бир қанча штатларда мактаблар ёпилди. Термометрлар 44 даражага кўтарилади.
Лаоснинг турли ҳудудларида ҳарорат 41,5 дан 43 даражагача етган. Бу апрель ойида қайд этилган мамлакат тарихидаги энг юқориси ҳисобланади.
Таиландда сув сепувчи мосламалар аллақачон талаш бўлиб сотилмоқда. Осиёдаги энг кучли жазирама бу ерда қайд этилган. Мамлакат шимоли-ғарбидаги Таки аэропортида термометрлар 45,5 даражани кўрсатди. Қироллик соғлиқни сақлаш департаменти аҳолини иссиқлик уриши хавфидан огоҳлантирди. Об-ҳаво аномалиялари Бангладеш ва Японияда ҳам қайд этилган. Синоптиклар май ойида минтақа аҳолисини нима кутаётганини аниқлашга ҳаракат қилмоқда.
